NEU!!! Das Jahr spili näbe de normale Ritschi Konzärt o Musical.

Lang hani mir überleit öbis söll wage. Im Dezämber 09 hani när mi Entschluss gfasst und em Marco Rima zuegseit. Sit denn hani e zwöiti Idendität. TIM WILLE isch mi name im Comedy Musical “DIE PATIENTEN“. I der Klinik Waldesheim bini Musigterapeut und zueständig für ZORA (Isabelle Flachsmann) und KATHARINA (Mia Ägerter). Mit derby isch o der Bo Katzman als HEINRICH HUMBOLD, Klinikleiter und Bösewicht. Ganz fest freue tueni mi o drüber das der Lukas Schwengeler, uf der Ritschituur immer als Gitarrist  derby, äbefalls e Rolle i däm Musical spilt. Nämlech die vom OLIVER, Patient und Gitarrist i der Patientebänd.

Abem 9.März geit “Die Patienten” uft Büni. Aber nid nume a eim Ort, sondern i der Ganze Schwiz. Mit emne Grosse Zirkuszält reise mir umenand. Drum gits eigentlich ke Usred. Jede mueses gseh ha…es lohnt sich.

20% Rabatt für alli Ritschi & Patientenfans. Wär sich es Billette wot sichere berchunnt ab jetz und bis zur Premiere 20% Rabatt uf alli Tickets. Wie dir zu dene Günstigere Tickets chömet finget dir !!!HIE!!!

Natürlech bi ig u mini Band o witterhin uf “Probier mi doch mal us”-Tuur. Drum wirdeni a ganz wenige Musicalvorstellige nid chönne derby sy. Musicaldate woni fähle finget dir immer hie uf Ritschi.ch/tuurdate

Dieser Beitrag wurde vor am Montag, 22. Februar 2010 um 11:04 Uhr veröffentlicht und unter Allgemeines, News gespeichert. Sie können Kommentare zu diesem Eintrag über den RSS-2.0-Feed verfolgen. Sie können einen Kommentar hinterlassen oder einen Trackback von Ihrer Website hierher setzen.