Was wär e Openairsummer ohni Konzärt spile… Es absoluts NO GO!!
Darum machemer no mal 2 GIGS.. Juhuu:-)
RITSCHI UND BAND
FREITAG 8.JULI 2011 @ HUISFESTIVAL, SARNEN
SAMSTAG 9.JULI 2011 @ OPENAIR RHEINWALD, NUFENEN GR
Chömet verby, mir zelle uf euch…
Ritschi
Hey liebi lüt
Am nächste Friti aabe, 29.4. am 18.00Uhr gits no mal t Müglechkeit mini Band u mi z gseh. Und ersch no imne spezielle Rahme.
Mir spile nämlech es chliises Dankeschön-Konzärtli i der Schönegg-Garage in Spiez. Die Jungs derte unterstütze üs sit es paar Jahr mit Fahrzüg. U wöll si 40 Jährigs Jubiläum hei, hani mi entschide ine es chliises Konzärtli z schänke. Z’ spezielle dranne, das ganze findet ohni grossi Büni oder Boxe statt. Nume ganz chliin und Intim.
I würdi mi freue der eint oder die anderi vo euch z gseh.
Bis am Samsti, 18.00Uhr, Schönegg-Garage-Spiez, KLICK HIER
Hoi mini liebe Lüt
Fasch e Monet isches här sit mim letschte Konzärt. Und ja, das isch für längeri zyt z letschte konzärt vo mir und mire Band gsy.
I danke no mal allne wo üs si cho luege oder üs i irgend ere art hei ungerstützt. Natürlech danki bsunders allne Veranstalter, Clubs und Festivals für ires Vertroue. Der gröst Dank geit aber natürlech at Fans, wo mit irer Freud jedes Konzärt einmalig hei gmacht.
Mini Musiker: Der Emmi, der Luki, der Simi und der Tino si das Jahr i verschidene andere Bands z gseh. So spile zum bispiel der Emmi und der Tino i der Michael von der Heide Band mit. Natürlech wärde si bim nächste Ritschialbum wider derby sy, und i hoffe dir wärdet alli o wider z eint oder andere Konzärt bsueche. Wenn dases sowit isch, erfahret dir natürlech am schnällste hie, drum lueget o witterhin chli hie verby.
Bi mir geits am 21.2.2011 bereits witter. Und zwar wirdi mit em Hank Shizzoe e chliine Talkaabe bestritte. Wär sich also derfür interessiert, wie, wo und wieso ig Musik bzw. Songs mache, söll sich doch am 21.2. z Bärn im Theater Matte mit üs träffe. Der link derzue fingsch HIE. Natürlech chöit o ihr derte frage stelle. Und Musiziert wird sogar ono…:-)
Also, i wünnsche e gueti zyt und bis gly
RITSCHI
Liebi Lüt
Vor fasch 2 Jahr isch mis erste Soloalbum “Probier mi doch mal us” usecho u sit denn hei mini Jungs und ig über 60 Konzärt dörfe spile. Am 15.Januar 2011 geit die Zyt leider z änd. Mir spile üses letschte Konzärt vo dere Tuur und zwar im Rossstall Köniz. (infos www.kulturhof.ch)
Alli wo üs nomal wette gseh bevor mir när für längeri zyt e Pouse wärde mache, müesse sich jetz die letschte Tickets für das Konzärt sichere. I hoffe nomal es paar vertrouti gsichter z gseh u freue mi uf e letschti grossi Party mit euch allne.
A dere Stell o vo mir natürlech es ganz tolls 2011…
Eue Ritschi mit Band
Liebi Lüt
No 3 Konzärt u när gits e längi längi Pouse. Drum, alli die wo no gärn anes Konzärt vo Ritschi und Band wetti cho, müesse jetz zuegriffe. Mir hei scho viel Billette verchouft, es git also nume no es paari, drum lieber jetze no bstelle bevor dases de z spät isch.
Hie no mal die letschte Uftritte im Überblick:
Also nüt wie los it Vorverchoufsstelle und Billette bstelle 
Äbefalls i die letschti rundi geit z Musical “Die Patienten“. Abem 25. Novämber bis und mit 4 Dezämber spile mir die letschte 9 Vorstellige in Basel. O derte si keni wittere Uftritte me planet, drum nüt wie los i Vorverchouf
Liebi vorwiehnachtlechi Grüess
Ritschi
Eigentlich chönnti me meine nach über 50 Konzärt und über 40 Musical vorstellige sigi Müed…
Denkste Sicher nid. I ha immer no ganz viel Energie (ha schliesslech grad 2 Wuche Ferie hinger mir). Mini Jungs u i hei so viel spass mit euch a de Konzärt, dass mir hei beschlosse no mal e Rundi ah z hänke. Drum gits hie no mal es paar Konzärtdate woni mi würdi freue wenn mir euch alli no mal würde gseh.
Freitag 3. Sept.2010 Gossau/SG (BBC Open)
Samstag 4.Sept.2010 Cham/ZG (100Jahre SC Cham)
Sonntag 5.Sept.2010 Nottwil (Schweizer Paraplegiker-Zentrum)
Freitag 15.Okt. 2010 Erstfeld (Durchschlag Gotthard Basistunnel)
Donnerstag 16.Dez. 2010 Luzern (Stadtkeller)
Samstag 18.Dez. 2010 Bettmeralp (Winteropening)
Derzue chunnt no ei oder zweh Abschlussgig, woni no bekannt gibe und natürlech alli Uftritte bim Musical DIE PATIENTEN.
Dir gseht, es isch no einiges los im Jahr 2010… I freue mi uf euch.
RITSCHI
Hoi mini liebe Summervögel
Wärend bi mir z Interlake z Greenfieldfestival übert Büni geit, freui mi bereits wine grosse (guet, das bini ja eigentlich o) uf nächst Wuchenänd. Denn spili nach 7 Wuche Musigabstinänz ändlich wider mit mire “Ritschiband”… Am Openair Hoch Ybrig löh mir’s no einisch richtig la krache!!! Jeah!!! U nume e Tag später spilemer de z Zäll am “Openquer” o derte isch natürlech Party ahgseit!
Witteri Openair’s und Festival’s wo mir derby si, finget dir natürlech unger “Tuur”
ALSO!!! Sunnehuet schnappe (vilech o der Rägeschirm mal schüüch i-packe) und nüt wie los at Openair’s!!!
Hoi zäme.
Da ig näbeamtlech ono Sänger bi i der Mundartband Plüsch bruuchi für einisch o dert mal eui Hilf. Uf Drs3 louft im momännt e abstimmig weles der best Fernwehsong sigi. Plüsch isch derte nominiert mit Heimweh. Es wär also cool we dir für Plüsch giengtet ga Vote. ungerem Link ABSTIMMUNG chöit dir abstimme…
Danke für eui Hilf und bis bald
Ritschi
Tschou zäme…
Isch scho es wili här sitti mi zum letschte mal ha gmäldet. Aber es git NEWS, und die wotti euch natürlech nid vor enthalte.
O dä Summer geit natürlech Musikalisch nid a mir verby. Mini Band u i spile natürlech a diverse Festivals. Alli neue Konzärtdate finget dir wie immer unger TUUR. Für alli wo ke geduld hei sich no dert häre z Klicke, mal alli Date uf ei BLICK:
19 Juni: Openair Hoch Ybrig (Hauptbühne 18.55 – 20.25)
20 Juni: Openair Quer Zell (15.00 – 16.30)
31 Juli: Openair Etziken/ SO
1. August: Openair Park im Grüene (Rüschlikon/ZH)
7. August: Jazztage Lichtensteig/ SG
8. August: Brienzersee Rockfestival (16.00Uhr)
4. September: 100 Jahre SC Cham
Natürlech spili derzwüsche immer no im Musical “Die Patienten” mit. Alli Date zu däm finget dir unger www.diepatienten.com. APROPOS die Patienten: AM Samstig 29. MAI FINGT “DIE PATIENTEN” OHNI MI STATT!!!
Sit em 9.März bini mit em Musical “Die Patienten” unterwägs. Da ig aber zuesätzlech ono mit mire Soloband ungerwägs bi, gits ab und zue Terminkolisione. Um Entdüschige z vermide hani e Sitte i grichtet wo dir immer aktuell die Vorstellige finget, woni nid derby by bi “Die Patienten”
Also bevor dir Tickets chouffet lueget doch immer schnäll dert verby.
Liebe gruess und bis gly
Ritschi